Në Parkun e Qytetit lirohen hapësirat, së shpejti do të rigjenerohen

Prishtina

Në Parkun e Qytetit lirohen hapësirat, së shpejti do të rigjenerohen

Më: 1 shtator 2021 Në ora: 16:24
Foto nga vendi i ngjarjes

Komuna e Prishtinës ka njoftuar se i kanë liruar hapësirat në Parkun e Qytetit.

Në njoftimin  e komunës thuhet se këto hapësira do të rigjenerohen.

“Si rrjedhojë, ekipet e sektorit të Rendit Komunal në kuadër të Drejtorisë së Inspekcionit kanë ndërmarrë aksion për lirimin e hapësirave brenda parkut të qytetit. Në koordinim me Drejtorinë e Parqeve dhe Hortikulturën, këto hapësira do të rigjenerohen!”, thuhet në njoftim.

Njoftimi i plotë:

Lirohen hapësirat në Parkun e Qytetit

Për kohë të gjatë, lokalet në Parkun e Qytetit janë toleruar, me qëllimin e vetëm që të mos dëmtohen tutje bizneset, paralelisht me humbjet që kanë pasur për shkak të pandemisë.

Mirëpo, një pjesë e madhe e lokaleve kanë zgjeruar hapësirat e shfrytëzimit, duke e dëmtuar gjelbërimin e parkut, me ç‘rast kemi pranuar shumë ankesa nga qytetarët.

Si rrjedhojë, ekipet e sektorit të Rendit Komunal në kuadër të Drejtorisë së Inspekcionit kanë ndërmarrë aksion për lirimin e hapësirave brenda parkut të qytetit.

Në koordinim me Drejtorinë e Parqeve dhe Hortikulturën, këto hapësira do të rigjenerohen!

commentFirst article
Sot mund të lexoni Shfletoni kopertinat