Deponia që po rrezikon qytetarët e Kastriotit

Prishtina

Deponia që po rrezikon qytetarët e Kastriotit

Më: 12 mars 2017 Në ora: 14:39
Aktivistët e VETËVENDOSJE qendra e Kastriotit

Aktivistët e qendrës së Kastriotit organizuan aksionin simbolik ku u shpjeguan dëmet nga deponia e mbeturinave në Llazarevë. Kjo deponi e cila është vendosur ilegalisht aty në vitin 2011, rrezikon jetën e qytetarëve në fshatrat Bakshi, Llazarevë, Raskovë, Mazgit dhe Milloshevë. Sipas profesionistëve të kimisë toksikologjike këto elementë të cilat janë gjetur në deponi kanë potencial shumë të lartë kancerogjen.
 
Aktivistët, njëkohësisht asambleistët e Kuvendit Komunal të Kastriotit kanë bërë disa herë apel për mbylljen e kësaj deponie, thirrje e cila ka rezultuar me premtimin se deponia do mbyllej, gjë që nuk ka ndodhur ende. Biznesi i cili ka parcelën me qera është kompania Geokos me pronar Nuredin Humollin. Ky biznes nuk posedon as leje nga niveli lokal e as nga ai qendror. Pra, arsyeja e vetme pse kjo deponi vazhdon te ekzistojë është për shkak lidhjes së afërt që ky pronar ka me Gani Thaçin, vëllaun e Hashim Thaçit.
 
Ne, aktivistët e Lëvizjes VETËVENDOSJE! bëjmë thirrje që kjo deponi të mbyllet sa më parë në mënyrë që të sigurohet mirëqenia e të gjithë qytetarëve të Kastriotit, thuhet në komnunikatën e VV-së.

Sot mund të lexoni Shfletoni kopertinat