Ahmeti: 1.5 milionë euro në vit për bujqit e Prishtinës

Prishtina

Ahmeti: 1.5 milionë euro në vit për bujqit e Prishtinës

Më: 4 tetor 2017 Në ora: 13:46
Kryetari i Prishtinës Shpend Ahmeti vizitoi disa nga serat ku shihet rezultati konkret i ndihmës së Komunës ndaj bujqve

Kryetari i Prishtinës Shpend Ahmeti, njëherësh kandidat për një tjetër mandat nga Lëvizja Vetëvendosje, vizitoi disa nga serat ku shihet rezultati konkret i ndihmës së Komunës ndaj bujqve, me qëllim që të rritet sa më shumë prodhimi dhe cilësia e prodhimeve tona.

“Një pjesë e madhe e tokës në Prishtinë, është e kategorisë A. Këto produkte, përmes tregut të prodhimeve vendore, arrijnë deri tek qytetarët që janë të interesuar t’i blejnë ato. Para një viti e gjysmë kemi nënshkruar kontratë me qeverinë austriake dhe agjension zhvillimore austriak ADA, për grante për bujqësi. Ne përveç 500 mijë eurove për subvencione, japim edhe 500 mijë euro tjera për grante, si dhe qeveria austriake do t’i japë edhe 500 mijë euro shtesë. Me këta hapa konkret, kemi arritur që ta rrisim ndihmën financiare për bujqit tanë, në 1 milionë e 500 mijë euro në vit”, tha Ahmeti.

Image
Sot mund të lexoni Shfletoni kopertinat