Shkallët në ‘Arbëri’ drejt përfundimit - Bota Sot
Shkallët në ‘Arbëri’ drejt përfundimit

Prishtina

Shkallët në ‘Arbëri’ drejt përfundimit

Më: 20 gusht 2018 Në ora: 12:32
Projekti i rregullimit të shkallëve në lagjen ‘Arbëria’ në Prishtinë

Projekti i rregullimit të shkallëve në lagjen ‘Arbëria’ në Prishtinë po shkon drejt përfundimit, me një mbikëqyrje profesionale nga ana e Drejtorisë për Investime Kapitale dhe Menaxhim të Kontratave.

Komuna e Prishtinës njofton se janë marrë mostrat e shtresës së betonit që është vendosur për nivelim të shkallëve, si dhe të atij në objektin përcjellës. Këto mostra do të analizohen në laboratorët e licencuara të betonit, dhe vetëm pas marrjes së rezultateve pozitive do të vazhdohet me vendosjen e gurëve natyrorë, si fazë finale  e projektit.

Aktualisht është duke u testuar edhe punët e kryera në kanalizimin atmosferik, si dhe në kabllor nëntokësor. 

“Banorët e lagjes ‘Arbëria’, si dhe të gjithë qytetarët që do të kalojnë nëpër këtë pjesë të qytetit, do të shohin shumë më shumë gjelbërim, si dhe do të gjejnë hapësira të mjaftueshme për pushim”, thuhet në njoftimin e Komunës së Prishtinës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...