Rruga që u mbyll sot në Prishtinë pritet të shndërrohet në shesh - Bota Sot
Rruga që u mbyll sot në Prishtinë pritet të shndërrohet në shesh

Prishtina

Rruga që u mbyll sot në Prishtinë pritet të shndërrohet në shesh

Më: 30 shtator 2018 Në ora: 10:44
Njëra prej rrugëve më të frekuentuara të kryeqytetit ajo nga Hotel Grandi deri te Katedralja pritet të shndërrohet në shesh

Njëra prej rrugëve më të frekuentuara të kryeqytetit ajo nga Hotel Grandi deri te Katedralja  pritet të shndërrohet në shesh për mbajtjen e aktiviteteve të ndryshme. Rruga në fjalë po testohet sot pasi e njëjta është e pa qarkullueshme për automjete që nga mëngjesi.

Mësohet se kjo rrugë do të qëndrojë e mbyllur deri në orën 24:00 dhe një praktikë e tillë do të përsëritet edhe në fundjava të tjera, që brenda asaj hapësire të zhvillohen aktivitete të ndryshme. Kështu ka bërë të ditur zëdhënësi i Komunës së Prishtinës, Adonis Tahiri.

“Ajo pjesë së shpejti do të shndërrohet në shesh. Në kudadër të këtij projekti është edhe vetëdijesimi i qytetarëve lidhur me këtë çështje. Për këtë arsye është mbyllur sot nga ora 06:00 deri në ora 24:00. Plani është që kjo te përsëritet disa herë, edhe në fundjava të tjera, dhe brenda asaj hapësire të zhvillohen aktivitete të ndryshme”, tha Tahiri.

Sidoqoftë, kjo rrugë parasheh realizimin e projektit të parkut që do të ndërtohet tek Fakulteti Filologjik dhe parkingut nëntokësor në po atë hapësirë.

Ky vendim i Komunës së Prishtinës për mbylljen e disa rrugëve të qendrës së kryeqytetit për qarkullim të automjeteve është bërë kohë më parë në bashkëpunim me institucionet shtetërore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...