Një grua 48-vjeçare është gjetur pa shenja në një banesë rreth orës 18:00 të enjten në rrugën “Vëllezërit Gërvalla” në Prishtinë.
Policia ka njoftuar se ka dalë në vendin e ngjarjes dhe mjeku ka konstatuar se viktima është pa shenja jete.
“Aktualisht policia është në ndërmarrje e sipër të veprimeve hetimore dhe atyre të ekzaminimit të vendngjarjes me qëllim të sqarimit të rrethanave që karakterizojnë rastin si dhe ndriçimin e motiveve të tij. Në vendin e ngjarjes përveç hetuesve rajonalë kanë prezantuar edhe specialistë të forenzikes rajonale, prokurori i shtetit si dhe eksperti mjeko-ligjor. Trupi i pajetë i viktimës është dërguar për obduksion përderisa me rekomandimin e prokurorit të shtetit rasti është cilësuar si vdekje e dyshimtë”, ka thënë zëdhënësi i Policisë për rajonin e Prishtinës, Agron Boroci.
