Prishtina sot është mbuluar nga ajri i ndotur.
Sipas matjeve të Ambasadës amerikane në Prishtinë, ajri sonte është në shkallën më të lartë të ndotjes, që nga dimri i kaluar, raporton KosovaPress.
Tani ajri është në shifrën 161 (i dëmshëm). Kurse nga matjet e orës 19:00, shkalla e ndotjes ishte në 166.
Ndotja e ajrit është shkaktuar pas rënies së temperaturave, por edhe për shkak të mungesës së erërave, të cilat e largojnë tymin e shkaktuar nga ndotësit e ndryshëm, si nga KEK-u, përdorimi i lëndëve djegëse për ngrohje dhe ndotja nga veturat.
