Deputetja e Lëvizjes Vetëvendosje Fitore Pacolli, ka pyetur kryetarin e Komunës së Prishtinës Shpend Ahmetin, se pse nuk po i hap dy çerdhet në Prishtinë.
Pacolli në një postim në Facebook, ka thënë se procedurat për hapjen e çerdheve për fëmijët e lagjeve Kodra e Trimave dhe Tophane, marrin kohë vetëm dy javë punë, përcjell Bota sot.
“Për çfarë arsye po i mban mbyllur?”, ka pyetur ajo.
Postimi i Pacollit:
Shpend, pse more nuk po i hap çerdhet për fëmijët e lagjeve Kodra e Trimave dhe Tophane?
Të gjitha procedurat për hapjen e çerdheve me bazë në komunitet "Zemrat" dhe "Yjet e Vegjël" kanë përfunduar qysh në mandatin e parë dhe patëm premtuar që do t'i hapim në shtator të vitit 2017.
Nevojiten 2 javë punë për ti hapur dyert këto dy çerdhe.
Për çfarë arsye po i mban mbyllur?
Po të ishte punuar me ritmin siç punonim në mandatin e parë tani jo që do të ishin hapur këto dy çerdhe por do të kishim edhe së paku katër të tjera gati për t'u hapur.
