Të shumtë janë ata të cilët kanë vazhduar traditën me zanate të vjetra, të nisur nga paraardhësit e tyre.
Një nga ta është edhe Alibajra Abdurrahmani nga Prizreni.
Ai tregon për emisionin #gjesi se qysh si fëmijë është angazhuar në biznesin e familjes për përpunimin e hekurit, që dikur pa dyshim se ishte shumë më fitimprurës sesa sot.
Përpunimi hekurit sigurisht se është proces interesant. Abdurrahmani ka punëtorinë e tij, të cilën e ka rinovuar së fundmi dhe për këtë ka pasur ndihmë edhe nga Komuna e Prizrenit.
Ai thotë se pavarësisht se sot nuk ka shumë kërkesa, arrin të mbijetojë nga kjo punë, në të cilën janë të angazhuar edhe familjarë të tjerë të tij.
