Në raste të ndara Policia sekuestron dy armë ilegale në Prizren - Bota Sot
Në raste të ndara Policia sekuestron dy armë ilegale në Prizren

Prizreni

Në raste të ndara Policia sekuestron dy armë ilegale në Prizren

Më: 6 maj 2019 Në ora: 12:03
Foto ilustrim

Të dielën zyrtarë të Policisë gjatë aktiviteteve në dy raste të ndara në Prizren kanë sekuestruar dy armë të cilat ishin në pronësi ilegale dhe pa leje përkatëse.

Në rastin e parë Policia ka ndaluar një automjet për verifikim dhe gjatë kontrollit të drejtuesit dhe pasagjerëve në njërin nga bashkudhëtarët ka hasur në një armë ilegale pistoletë ngjyrë e zezë ‘Ekol Special 99’.

Ndaj të dyshimtit është iniciuar procedurë dhe sipas prokurorit kujdestar rasti ka kaluar në procedurë të rregullt.

Ndërsa në rastin e dytë Policia pas raportimit të një aktiviteti për tentim vjedhje në fshatin Zhur të Prizrenit, pas kontrollimit dhe verifikimit të informacionit dhe vendit të ngjarjes ka gjetur në posedim të pronarit një armë të tipit ‘Valtro’ modeli 85, për të cilën nuk kishte leje paraprake.

Gjithashtu pas plotësimit të procedurave adekuate me urdhrin e prokurorit rasti shkon në procedurë të rregullt hetimore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...