Nesër varrosen çifti i vrarë në Prizren - Bota Sot
Nesër varrosen çifti i vrarë në Prizren

Prizreni

Nesër varrosen çifti i vrarë në Prizren

Më: 24 janar 2020 Në ora: 09:24
Nesër varrosen çifti i vrarë në Prizren

Një çift është gjetur i vdekur në shtëpinë e tyre në lagjen “Ortakoll” të Prizrenit, dy ditë pasi kishin ardhur nga Suedia.

Familjarët e viktimave thanë se ata do të varrosen nesër nga ora 12:00.

Sipas raportit të policisë në trupin e viktimave ishin vërejtur plagë nga arma e zjarrit.

Kryeprokurori i Prizrenit, Admir Shala, tha se sipas informatave të para që kanë, viktimat jetonin me djalin e tyre 35 vjeçar A.H, por ky nuk ishte me ata kur policia gjeti trupat me datën 22.01.2020.

Shala ka thënë se janë në kërkim të djalit të tyre por jo në cilësinë e të dyshuarit duke thënë se ai do t’iu ndihmojë më shumë për procesin e hetimeve.

Sipas dyshimeve të para çifti ka ndërruar jetë dy ditë para se i kishte gjetur policia dhe që nga ajo ditë burrë e grua nuk kishin kontaktuar me fëmijët tjerë në Suedi.

Dy viktimat D.H., dhe S.H., kishin ardhur në Kosovë me datë 20 janar nga Suedia.

Shfaq komentet
comments powered by Disqus
Sot mund të lexoni Shfletoni kopertinat