Asambleisti i LDK-së thotë se Haskuka ofendoi gjithë anëtarët e Kuvendit komunal në Prizren

Prizreni

Asambleisti i LDK-së thotë se Haskuka ofendoi gjithë anëtarët e Kuvendit komunal në Prizren

Më: 26 shkurt 2021 Në ora: 00:19
Haziz Hodaj

Sot Kuvendi Komunal i Prizrenit ka mbajtur një seancë ku pikë e rendit të ditës ka qenë edhe miratimi i një kredie me BERZH.

Mirëpo, kjo nuk ndodhi e për këtë u ngjallën shumë reagime në asamble.

Madje kryetari i Prizrenit, Mytaher Haskuka, nëpërmjet një postimi në llogarinë e tij në Facebook ka akuzuar asambleistët e Lëvizjes Vetëvendosje, se janë bërë bashkë me ata të PDK-së, LDK-së, AAK-së dhe NISMA, që t’i sabotojnë projektet e komunës.

Haziz Hodaj, asambleist nga radhët e Lidhjes Demokratike të Kosovës në Kuvendin e Prizrenit ka treguar versionin e tij se çfarë ndodhi sot në këtë seancë.

“Ishte një seancë e Kuvendit të komunës ku njëra ndër pikat e rendit të ditës ishte edhe aprovimi i një huaje nga BERZH për efiçiencë në ndërtesa të të gjitha dikastereve në komunën e Prizrenit. Mirëpo, ishim skeptik rreth aprovimit të kësaj kredie duke ditur që Kuvendi i Komunës së Prizrenit ka pasur një performancë jashtëzakonisht të dobët në tri vitet e fundit e posaçërisht në këtë vit”, tha Hodaj.

“Me një buxhet të votuar dhe të aprovuar do të ishte absurditet të aprovohej ose të merrej një vendim për një hua e cila do ta fuste në borxh komunën e Prizrenit”.

Po a qëndron ajo se asambleistët e VV-së u bashkuan me ju që të refuzohet kjo kredi?

“Tani e di ku ka aluduar dhe cila ka qenë arsyeja e atij postimi që ka qenë skandaloz dhe një fyerje që ia ka bërë të gjithë anëtarëve të Kuvendit e gjithashtu edhe anëtarëve të Vetëvendosjes. Nuk e di nëse kanë votuar apo jo, por e di se kanë qenë prezentë gjysma e anëtarëve të Kuvendit”.

“Ai ka konsideruar që bërë një bojkot edhe nga ana e anëtarëve të kuvendit nga Vetëvendosje –ky postim i tij ka qenë i pamatur dhe fyes për të gjithë anëtarët e Kuvendit”, tha Hodaj.

Shfaq komentet
comments powered by Disqus
Sot mund të lexoni Shfletoni kopertinat