Krasniqi: PDK s’e sheh fitoren në Prizren si fitore në një komunë

Prizreni

Krasniqi: PDK s’e sheh fitoren në Prizren si fitore në një komunë

Më: 4 shtator 2021 Në ora: 17:10
Foto nga takimi

Kryetari i PDK-së, Memli Krasniqi, ka thënë se nuk e shohin fitoren në Prizren veç si fitore në një komunë.

“Ne e shohim fitoren në Prizren, si fitore të zhvillimit mbi degradimin, fitore të progresit mbi stagnimin, fitore të transparencës mbi keqpërdorimin. E shohim fitoren e Shaqir Totajt si fitore e shpresës për qytetarët e Prizrenit dhe fitoren e PDK-së si rikthim të fuqishëm, që nisë në Prizren e shtrohet në mbarë Kosovën. Prizreni qe katër vite është udhëhequr keq, me afera korruptive e degradim të skajshëm”.

Krasniqi, që sot gjatë ditës bashkë me kandidatin e tyre për Prizren kanë mbajtur një tubim me qytetarë, ku tha se modeli i keqqeverisjes në Prizren tash e disa muaj është shpërfaqur edhe në nivel qendror.

“Po e shohin të gjithë qytetarët çfarë menaxhimi i dobët po ndodhë me pandeminë Covid-19. Në nivelin qendror, si opozitë, po përpiqemi të inkurajojmë të gjithë që ta ndalojmë rrezikun, ndërsa në Prizren, në zgjedhjet e tetorit, duhet ta ndalojmë keqqeverisjen dhe këtë model degradues. PDK në Prizren ka kandidatin më të përgatitur për zhvillimin ekonomik dhe hapjen e perspektivës për të gjithë qytetarët, pa dallim. PDK, po ashtu, ka kandidatët më të mirë për Kuvendin Komunal që përfaqësojnë çdo pjesë të territorit të kryeqytetit historik të Kosovës”.

Shfaq komentet
comments powered by Disqus
Sot mund të lexoni Shfletoni kopertinat