Kandidati i Lidhjes Demokratike të Kosovës, për kryetar të Prizrenit, ka vijuar me vizitat në terren, për ta shpalosur programin e tij për zgjedhjet lokale të 17 tetorit.
“Pritje e përzemërt në lagjen “JeniMale” dhe “Kurilë”.Së bashku me bartësin e listës, Hanefi Muharremi dhe bashkëpunëtorë të tjerë, me qëllim që të shmangim grumbullimin e njerëzve në këto rrethana pandemie, programin tonë po ua shpërndajmë qytetarëve derë më derë”, ka thënë Quni.
Më tej, Quni theksoi se biseda me banorët e këtyre lagjeve ishte shumë e përzemërt, ndërsa kërkesat e tyre i cilësoi si modeste e që lidhen me dështimin e pushtetit në ikje, për të cilin tha se ka dështuar që t’ju ofroj shërbime minimale e bazike infrastrukturore këtyre banorëve.
Quni, iu tha banorëve se, bashkë me ekspertët e tij ka projekte të qarta e konkrete të cilat do t’ua përmirësojnë kualitetin e jetës së tyre.Në vijim, Quni vizitoi edhe disa biznese, nga ku tha se bizneset e vogla dhe të mesme janë të një rëndësie të jashtëzakonshme në zhvillimin ekonomik dhe uljen e numrit të të papunëve në komunën tonë.
“Përgjatë mandatit tim, këto biznese do ta kenë mbështetjen e pakusht me forma të ndryshme të lehtësimeve tatimore, subvencionimin e atyre që punësojnë praktikant dhe rregullimin e infrastrukturës së nevojshme për zhvillimin e veprimtarisë së tyre”, shtoi Quni.
