Kandidati për kryetar të Prizrenit nga PDK-ja, Shaqir Totaj, sot vazhdoi me takime nëpër bizneset ndryshme të komunës së Prizrenit, duke vizituar fabrikën e tullave në Landovicë, hekurpunuesin në Arbanë dhe vreshtarin në Anadrini.
Totaj u zotua në përkrahje të bizneseve të vogla dhe të mesme, në mënyrë që të rrisim numrin e punëtorëve dhe mirëqenien në familjet prizrenase.
Ai me këtë rast theksoi se Fondi i Zhvillimit prej 2 milionë eurosh po mirëpritet nga të gjitha bizneset e vogla dhe të mesme në Prizren.
Platforma qeverisëse e Shaqir Totaj, ka në listë të prioriteteve ndihmesën e bizneseve ekzistuese dhe atyre të reja, si kusht për zhvillim ekonomik dhe krijim të vendeve të reja të punës.