“Nuk do t’i lejojmë hajnat të na e marrim të ardhmen tonë. Boll mo!”, shkruan Mytaher Haskuka, kandidati i Lëvizjes Vetëvendosje për Komunën e Prizrenit, i cili sipas rezultateve preliminare ka fituar garën e 19 nëntorit.
Haskuka ka reaguar pas kërkesave të PDK-së për rinumërim në qendrën e votimit “Motrat Qiriazi”, shkruan Periskopi.
Ai përmend garancat që dëshmojnë se procesi zgjedhor ka qenë në rregull në këtë qendër votimi.
Reagimi i plotë i Haskukës:
Për qendrën e votimit “Motrat Qiriazi” monitoruesit nga Bashkimi Evropian thanë që procesi zgjedhor ka qenë në rregull pa asnjë problem. Shoqëria civile poashtu konfirmon që procesi i votimit nuk ka pas asnjë parregullsi, gjithë komisionerët e gjitha partive nënshkruajnë procesverbalet dhe nuk kanë asnjë vërejtje të shkruar në procesverbal. Vëzhguesit e të gjitha partive nuk kanë asnjë vërejtje përfshirë edhe vëzhguesit e PDKsë.
Tani pas disa dite kur kuptuan që po hupin, dalin përfaqësuesit e Klanit Pronto dhe ankohen, duan të vjedhin fitoren e popullit. Nuk do ti lejojmë hajnat të na e marrim të ardhmen tonë. Boll mo!
