Drejtuesit e KB ”Bashkimi”, të udhëhequr nga kryetari Shaqir Totaj, së bashku me disa nga basketbollistët e skuadrës, të premten janë pritur në zyren e tij nga kryetari i komunës së Prizrenit, Mytaher Haskuka, me rastin e titullit të parë të arritur nga skuadra prizrenase në historinë e saj të gjatë sportive.
Siç shihet edhe në foton e postuar nga kryetari Haskuka, duket një atmosferë e këndshme gjatë kësaj vizite nga drejtuesit dhe lojtarët portokall e zinjë, duke pasur parasysh garën e nxehtë zgjedhore që kishin Shaqir Totaj e Mytaher Haskuka, për të parin e komunës.
Por, sporti edhe një herë dëshmoi se bashkon njerëzit, përkundër dallimeve të ndryshme dhe mospajtimeve që mund të kenë ata.