Komuna e Prizrenit ka njoftuar se ka mbyllur disa lokale të identifikuara si bastore ilegale.
Sipas njoftimit, Komuna e Prizrenit ka pranuar ankesa në qendrën e thirrjeve nga qytetarët për hapjen e bastoreve ilegale në disa fshatra të Prizrenit.
Komuna tutje ka sqaruar se raportimet e qytetarëve i ka përcjellur në Administratën Tatimore të Kosovës, në departamentin e lojërave të fatit.
“Në koordinim me Policinë e Kosovës dhe asistimin e Drejtorisë së Inspektorateve, është realizuar aksioni i inspektorëve të ATK-së, me ç ‘rast janë mbyllur lokalet e identifikuara si bastore ilegale”, thuhet në njoftimin e Komunës së Prizrenit.
