Rritja e fuqisë ushtarake të Turqisë e jo vetëm: nga ateizmi në besim - Bota Sot
Rritja e fuqisë ushtarake të Turqisë e jo vetëm: nga ateizmi në besim

Religjion

Rritja e fuqisë ushtarake të Turqisë e jo vetëm: nga ateizmi në besim

Më: 1 qershor 2019 Në ora: 11:30
Foto

Të mërkurën, ushtria turke nisi një stërvitje e madhe të quajtur “Shpëtimtari-19”, e cila u zhvillua në provincën Mugla. Ajo përfshinte operacionet detare, ajrore dhe tokësore dhe u ndoq nga vëzhguesit e tetëmbëdhjetë vendeve, disa prej të cilëve nga SHBA, Brazili, Franca, Italia, Kanadaja, Katari, Malajzia, Kuvajti dhe Pakistani.

Në këtë stërvitje ushtarake u përfshinë dhe tre nëndetëse, gjashtë anije dhe dy helikopterë, përpos arsenalit të rëndë ushtarak.

Kjo performancë në rritje e potencës së ushtrisë turke, po shkon paralel dhe me fuqizimin e industrisë ushtarake. Tashmë në program është zhvillimi i sistemeve raketore, ndërkohë që po bëhen përpjekje të mëdha dhe në prodhimin e avionëve, helikopterëve dhe dronëve.

Kompania Aselsan po bën emër gjithnjë e më shumë në tregun botëror të industrisë ushtarake. Kjo kompani prodhon lloje të ndryshme armësh dhe pajisjesh ushtarake, aktualisht të përdorura nga trembëdhjetë vende dhe regjistron një fitim mbi 27%. Vetëm në tremujorin e parë të vitit të kaluar, kompania ka përfituar 1.37 miliardë dollarë, ndërsa vlera e kontratave për dorëzimin e armëve dhe pajisjeve ushtarake deri në vitin 2025 është 6.8 miliardë dollarë.

Investimet e Turqisë në industrinë ushtarake në 2009 arritën nga 14 miliardë dollarë, ndërsa vitin e kaluar shifra tejkalonte 19.5 miliardë dollarë.

Turqia sot është një nga pesëmbëdhjetë vendet në botë që investojnë më shumë në zhvillimin e teknologjive ushtarake.

Por më tepër se kaq, ajo po heq dhe xanxën e të qënit në një linjë ateiste në drejtim. Deri vite më parë, ushtria turke përceptohej si kështjellë ateizimi, duke u quajtur nga pikëpamja politike dhe si gardiane e laicizmit. Disa grushte famëkeqe shteti prej saj, kanë buruar pikërisht nga ky pozicionim. Por dhe në këtë pikëpamje ka një reformim të brendshëm, ku ndenjës së lartë të detyrës ndaj atdheut i është shtuar dhe ajo e vetëdijes së lartë fetare. Ngjashëm si në rastin e Çanakalesë, simbol i kësaj ngjizjeje.

Turqia ia dedikon ekzistencën e saj si shtet pikërisht asaj beteje të famshme, ku pati përballë një aleancë ushtarake botërore me planin për ta shkrirë.

Por ishte pikërisht ngjizja e besimit me atdhedashurinë, që çoi në triumfun e madh të të qënit “i vetëm përballë të gjithëve”.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...