Hoxha nga Mitrovica, Enis Rama, ka folur rreth idesë më të diskutuar rreth prejardhjes së njeriut. Ai e konteston këtë teori.
Sipas Ramës, teoria e Darvinit ka marrë më shumë kuptim ideologjik sesa shkencor, shkruan Reporteri.net
“Nuk ka këtu punë besimi. Mendimi jem, besoj që teoria e Darvinit po më duket se po merr më shumë kuptim ideologjik se shkencor. Mendoj se këtu shkenca po hyn në territorin e fesë”, ka thënë Hoxhë Enis Rama në T7.
Ndër të tjera, Rama shtoi se teoria e Darvinit është vetëm teori dhe jo fakt i kryer, duke potencuar më pas se nuk duhet të mitizohet kjo teori.
“Besoj që teoria e Darvinit është mjaft e kontestuar. Duhet ta themi se ajo nuk është fakt, por është teori. Përderisa është e tillë, nuk duhet të mitizohet deri në këtë masë që kundërshtari i tij të trajtohet si i prapambetur”, ka thënë ai.
Ndryshe, muaj më parë, hoxha Drilon Gashi nga Peja, deklaroi se beson në teorinë e Darvinit dhe dha mjaft qasje që bien në kundërshtim me Enis Ramës.
