Misteret rreth orgazmës seksuale gjithmonë hapin debat. Forumet e internetit, hulumtimet statistikore dhe interesimi i shkencëtarëve është shumë i madh. Nëse në dekadat e fundit, kemi vënë në pikëpyetje ekzistencën e pikës G, epiqendra e kënaqësisë, një mirazh, një fantazi, një lloj butoni magjik që të gjitha gratë përgjigjen ta gjejnë, e që ndoshta disa e kanë gjetur, kjo duket një çështje e dalë mode tani.
Profesorja Emanuela Napoli dhe kolegia Luisa Nocito, pas disa studimesh, nuk e shohin më pikën G si pikën kryesore, por na fokusojnë te ajo që ata e quajnë: CUV, klitor, uretra, vagina. Dy seksologet femra rrëzojnë dhe konfirmojnë disa të vërteta dhe mite.
Orgazma femërore mes mitit dhe realitetit:
1.Të arrish orgazëm është e lehtë (e gabuar)
Për femrat është më e vështirë se për meshkujt. Nga studimet zbulohet se 34.7% e femrave e arrijnë gjithnjë, 38% shpesh, dhe një pjesë ndoshta shumë rrallë. Arritja e orgazmës lidhet me problemet hormonale ose me momentet jo të mira psikologjike të momentit.
2. Momenti perfekt duhet të stimulohet (e gabuar)
Çdo person ka natyrën e vet. Çdokush ka të shkuarën e vet seksuale, qoftë të eksperimentuar apo edhe vetëm të ndikuar nga kultura, feja e arsimi. Përveç kësaj, sipas statistikave nga koha e raportit seksual, grave u duhet të paktën 20 minuta të arrijnë kënaqësi, kundrejt 7 minutave për meshkujt.
3. Më mirë praktikat kreative (e gabuar)
Të mendosh që praktikat kreative janë më efikase është diçka e gabuar, por deri në një farë pike. Gratë më shumë se sa meshkujt shpesh arrijnë orgazmë duke masturbuar, ose me seks oral, ose në mënyra të tjera kreative.
4. Pa orgazmë nuk ka kënaqësi (e gabuar)
Duhet të hedhim poshtë mitin se pa orgazëm nuk ka kënaqësi, shpjegon psiko-seksologia Emanuela Napoli. “Ajo që duhet të shpjegojmë është se objektivi nuk është orgazma në vetvete, por një eksperiencë e kënaqshme intime mes dy partnerëve që pëlqehen. Mund të ndodhë që orgazma mos të ketë ardhur, por çdo gjë tjetër ka qenë e bukur”.
5. Nëse ajo shtiret, ai nuk e dallon (e vërtetë)
Është praktikisht e pamundur që një mashkull të dallojë kur femra shtiret. Vetëm nëse bëhet fjalë për një raport shumë të gjatë, dhe të dy kanë besim te njëri-tjetri dhe njihen mirë. Femrat shtiren ndonjëherë për të mos vendosur në vështirësi partnerin. Ndonjëherë e bëjnë për t’i dhënë një rrugë tjetër një marrëdhënieje që është bërë e mërzitshme.
6.Të qëndrosh sipër partnerit është më mirë (varet)
Është e vërtetë që pozicioni i femrës sipër mashkullit favorizon stimulimin e klitorit dhe kontrollin e ritmit. Por çdo femër ka pozicionin e saj të preferuar. Eksperimentimi ka nëj efekt pozitiv në marrëdhëniet mes dy partnerëve, dhe nëse kthehet në lojë ndihmon në arritjen e orgazmës
7. Lojërat dhe fantazitë ndihmojnë (e vërtetë)
Të gjitha variantet e mundshme të një marrëdhënieje ndihmojnë që ajo të mbetet e gjallë dhe të përfitohet sa më shumë kënaqësi për të dyja palët. Gjithashtu nuk është e vërtetë që vetëm meshkujt janë ata që kanë fantazi seksuale, sepse edhe femrat udhëtojnë me mendje, por mbetet një tabu shprehja e mendimeve të tyre.
8. Kontakti me natyrën është më mirë (e vërtetë)
Seksi në ajër të hapur është padyshim më i mirë. Ta bësh në natyrë është një kënaqësi instiktive. Femrat janë shumë të vëmendshme përsa i përket mjedisit dhe atmosferës. Seksi në pyll është diçka magjike, ndryshe nga të bërit në një parking për shembull, ku ekziston frika se mund të shihesh nga të tjerët.
9. Veshja e çorapeve të gabuara fik pasionin (e vërtetë)
Mjafton një detaj i vogël që të heqë dëshirën e një gruaje për seks. Në këtë mënyrë ndalohet gatishmëria dhe përgatitja e mendjes së saj për të përjetuar një orgazëm. Çdo femër në një marrëdhënie intime është e kujdesshme për gjetjen e kushteve të duhura për të.
10. Të flasësh është keq (e gabuar)
Ekziston besimi i gabuar se të flasësh me partneren për problemet seksuale zvogëlohet magjia e performancës seksuale. Krijohet ndjesia e fajit. Ti mendon se ajon mendon se nuk je i duhur për të. Por të hapurit me partneren është thelbësore.
