Sulmi në tru është shkaktari i pestë i vdekjeve në SHBA, ku 800,000 njerëz pësojnë sulm të tillë çdo vit, gjë e cila i bie një person për çdo 40 sekonda.
Rreth 40% e njerëzve që vdesin nga sulmet e trurit janë meshkuj, ndërkaq 60% tjerë janë femra
Sulmi në tru është ngjarje e papritur vdekjeprurëse, e cila, edhe nëse nuk përfundon me vdekje, mund të shpijë në shumë probleme tjera shëndetësore, siç janë:
– Humbja e memories
– Vështirësi për të menduar qartësisht
– Vështirësi për të kuptuar dhe arsyetuar
– Mpirje
– Humbje të lëvizjes së muskujve
– Ndjeshmëri ndaj ndryshimeve të temperaturave
– Paralizë totale
– Probleme me gëlltitje apo komunikim
– Probleme emocionale
– Dhimbje
Janë dy lloje të sulmet të trurit. E para është sulmi ishemik, i cili ndodh kur qarkullimi i gjakut bllokohet. Sulmi i dytë është ai hemorragjik, i cili ndodh kur ka gjakderdhje në tru.
Këta janë shkaktarët më të zakonshëm të sulmit të trurit:
– Shtypja e lartë e gjakut është shkaktari më i zakonshëm i sulmit në tru, pasi që i dëmton arteret
– Kolesteroli i lartë gjithashtu shpie në sulm të trurit, pasi shkakton akumulim të substancave të ndryshme në artere, të cilat e bllokojnë qarkullimin e gjakut dhe shpijnë në sulm
– Sëmundjet e zemrës, siç janë valvolat defektive të zemrës, rrahjet e parregullta, etj., mund të shpijnë në sulm të trurit
– Mosha, pasi që personat mbi 55 vjeç janë më të rrezikuar nga ky fenomen
– Konsumimi i madh i alkoolit i rritë në mënyrë drastike rreziqet për sulm në tru
– Mungesa e aktivitetit fizik dhe mbipesha ndërlidhen direkt me sulm në tru
– Duhani, pasi që e rritë shtypjen e gjakut, e trashë gjakun dhe e dobëson funksionin e mushkërive
– Medikamentet e ndryshme.
