Shumë femra rrezikojnë jetën e tyre nga kanceri ovarian, për shkak se diagnostifikohen me vonesë. Një ndër pesë paciente iu është gjendur kjo sëmundje në fazë të avancuar. Kjo do të thotë se shumë prej femrave vendosin të vizitohen tek një specialist kur sëmundja ka dalë jashtë kontrollit.
Kanceri Ovarian është shtuar së tepërmi dhe gjithashtu cilësohet si një ndër sëmundjet kancerogjene më vdekjeprurëse, të gjendura në trupin e femrave. Rreth 90% e femrave munden ta mposhtin këtë sëmundje nëse kapet në fazat e para.
Këto janë 6 shenjat për të cilat duhet të tregoni kujdes:
Fryrjet e trupit
Shumë prej nesh vuajmë nga fryrjet por këtu po flasim për fryrje kronike, që në mënyrë të vazhdueshme nuk largohen edhe pasi ne kemi disa orë që kemi ngrënë ose që kemi kryer nevojat personale.
Dhimbje të barkut ose në zonën pelvike (legeni)
Dhimbjet e barkut nuk janë të pazakonta por nëse janë të vazhdueshme dhe i ndjejmë çdo ditë, kjo është një shenjë që diçka nuk po shkon si duhet.
Ndiheni të fryrë kur jeni duke ngrënë
Ndryshimet në mënyrën e të ushqyerit janë gjithmonë të rëndësishme. Nëse normalisht ju konsumoni tre vakte në ditë dhe papritur e gjeni veten duke ngrënë me sforcim gjysmën e vaktit të mëngjesit, diçka nuk shkon si duhet.
Ndjeni nevojën të urinoni më shpesh
Nëse konsumoni shumë ujë është normale kjo simptomë por nëse urinoni shumë shpesh pa ndonjë arsye, kjo gjë duhet të kontrollohet.
Ndryshime në kryerjen e nevojave personale
Duhet treguar kujdes dhe vëmendje në mënyrën e kryerjes së nevojave tona personale. Nëse diçka ndryshon dhe nuk është më si më parë kjo do të thotë shumë për gjendjen tuaj shëndetësore.
Humbje në peshë e pashpjegueshme
Nëse nuk jeni munduar që të humbni peshë dhe e gjeni vetën me disa kg minus, kjo nuk është një shenjë e mirë. Kjo është një nga shenjat më të zakonshme të kësaj sëmundje. Nëse arrini të humbisni në peshë, më tepër se 4 deri në 5 kg në muaj, duhet patjetër të kryeni një vizitë mjekësore.
