Si të marrim kalciumin pa rrezikun e thyerjes së eshtrave? - Bota Sot
Si të marrim kalciumin pa rrezikun e thyerjes së eshtrave?

Shëndetësia

Si të marrim kalciumin pa rrezikun e thyerjes së eshtrave?

Më: 15 shtator 2019 Në ora: 19:06
Foto ilustrim

Gratë gjithmonë këshillohen të marrin sasi të shtuar të kalciumit për të zvogëluar rrezikun e osteoporozës, veçanërisht kur ndodh menopauza.

Megjithatë, një studim klinik ka vërtetuar se konsumimi i më shumë kalcium nuk zvogëlon rrezikun e frakturës së kockave. Për më tepër, kalciumi mund të rrisë rrezikun e frakturës së kockave nëse nuk merret me proteina.

Shkencëtarët në Qendrën Amerikane për Kontrollin e Sëmundjeve intervistuan 2006 gra mbi moshën 50-vjeç, duke i pyetur ato për dietë dhe konsum të vitaminave dhe mineraleve.

Rezultatet treguan se sasia e përgjithshme e marrjes së kalciumit nuk kishte asnjë efekt në zvogëlimin e rrezikut të frakturës së ijëve ose duarve.

Studimi vërtetoi se rritja e konsumit të kalciumit luan një rol mbrojtës kundër frakturës vetëm nëse merret me proteina, të paktën 70 gram në ditë.

Lina Balluz, drejtuese e mbikëqyrjes në Departamentin e shëndetit për të rritur në Qendrën Atlanta për Kontrollin dhe Parandalimin e Sëmundjeve, tha që rritja e marrjes së kalciumit rrit ndjeshëm rrezikun e frakturës së kockave nëse marrja e proteinave është e ulët.

Studime shtesë janë të nevojshme për të përcaktuar saktësisht se cili është niveli optimal i kalciumit dhe proteinave që gratë duhet të konsumojnë çdo ditë për të mbrojtur veten nga fraktura.

Shfaq komentet
comments powered by Disqus
Sot mund të lexoni Shfletoni kopertinat