Pothuajse dy të tretat e pacientëve që sëmuren rëndë nga koronavirusi janë në mbipeshë dhe gati 40 përqind janë nën moshën 60 vjeç, ka zbuluar një revision mjekësor i NHS.
Tek gjashtëdhjetë e tre përqind e pacientëve të prekur me COVID-19 në kujdesin intensiv në spitalet në Mbretërinë e Bashkuar, faktorët kryesorë që kanë bërë të ndërrojnë jetë janë: mbipesha dhe obeziteti, shkruan Daily Mail.
Ndonëse mosha mesatare e personave që vuajnë nga simptomat më serioze të koronavirusit është 64 vjet, 37 përqind janë nën moshën 60 vjeç.
Qendra Kombëtare e Auditimit dhe Kërkimit e Kujdesit Intensiv në Britani të Madhe ka analizuar të gjitha pranimet në njësitë e kujdesit kritik në Mbretërinë e Bashkuar deri në mesnatën e së enjtes.
Dokumenti siguroi vështrimin e parë në thellësi të pacientëve të cilët kanë pasur nevojë për kujdes gjatë gjithë kohës dhe forcoi të kuptuarit e mjekëve për virusin që ka kapluar shoqërinë.