Tani për tani, nuk ka asnjë ilaç që është vërtetuar klinikisht që zvogëlon ashpërsinë e COVID-19 ose përshpejton shërimin.
Sidoqoftë, shumica e njerëzve që sëmuren nga coronavirusi do të kenë simptoma të buta dhe mund të shërohen në shtëpi, shkruan Business Insider.
“Vetë-menaxhimi në shtëpi për simptoma të buta do të ishte i ngjashëm me ftohjet e tjera ose gripin: pushoni, qëndroni të hidratuar, qëndroni i izoluar larg anëtarëve të tjerë të familjes”, thotë Abraar Karan, një mjek në Shkollën Mjekësore në Harvard.
Sipas tij, kjo këshillë e fundit, vetë-izolimi, është më e rëndësishme me COVID-19 sesa gripi ose ftohja.
Ai tha se pacientët gjithashtu mund të përdorin ilaçe pa recetë si Tylenol për të menaxhuar ethet që shpesh shoqërojnë COVID-19.