Ka një zgjidhje më të mirë kur (nuk) do të hash një ëmbëlsirë - Bota Sot
Ka një zgjidhje më të mirë kur (nuk) do të hash një ëmbëlsirë

Shëndetësia

Ka një zgjidhje më të mirë kur (nuk) do të hash një ëmbëlsirë

Më: 20 maj 2020 Në ora: 19:20
Ilustrim

Ëmbëlsirat janë shumë të dashura dhe duket sikur i duam edhe më shumë kur ia kemi ndaluar vetes. Edhe pse nuk bën keq një copë e vogël ndonjëherë, e vërteta është që përqindja e lartë e sheqerit, karbohidrateve dhe yndyrnave nuk janë përbërësit e duhur kur kërkon të humbasësh peshë. Nëse je dhe ti pjesë e këtij grupi të madh, por që nuk i harron dot ëmbëlsirat, ja disa receta që do të kënaqin dëshirën pa të shëndoshur. E dimë që pret tortë me çokollatë, por mos i elimino si zgjidhje pa i provuar, janë të ëmbla dhe të shijshme.

Mango dhe kivi me lëng të freksët lime-i

Kivi dhe mango marrin një freski agrumesh në këtë sallatë frutash. Të duhet një kivi i pjekur, por i fortë, gjysmë filxhani mango i pjekur, por i fortë, i prerë në kube dhe gjysmë luge çaji lëng lime-i.

Rrush i ngrirë

Ëmbëlsira e përkryer e verës, këto kokrra rrushi të ngrira janë shumë të shëndetshme. Sigurisht je e lirë të ngrish edhe mjedra, thela pjeshke, kuba shalqiri.

Hurma arabe të mbushura me bajame

Zgjidh hurma Arabie të buta që ta kesh më të lehtë t’i mbushësh me bajame. Sipër pak lëng portokalli.

Mango i pjekur

Pjekja shfaq ëmbëlsinë e frutit. Pak lëng lime-i e ekuilibron. Provo këtë teknikë dhe me ananas

Banane me kakao dhe arrë kokos

Bananet e pjekura me kakao dhe arrë kokosi janë një ëmbëlsirë e shijshme për të gjithë familjen. Duhen 4 lugë çaji pluhur kakao, 4 lugë çaji pluhur i pjekur kokosi, i paëmbëlsuar dhe dy banana të prera diagonalisht.

Qershi me Ricotta dhe bajame të pjekura

Qershitë me ricotta dhe bajame të pjekura formojnë një ëmbëlsirë me shije të pasur, por dietike. Treçerek filxhani qershi pa bërthamë 2 lugë gjelle ricotta pjesërisht e skremuar 1 lugë gjelle bajame të pjekura.

Granita me mollë dhe pjepër

Kjo granita përdor pjepër të ëmbël, të pjekur për shije, lëng molle në vend të sheqerit dhe pak lëng lime-i për të shtuar aromat. Frutat e kuqe ngjajnë shumë bukur përsipër, ose nëse gjen fiq të freksët, shto ato. Për një pamje më drithëruese, përgatite me një pjepër në ngjyrë portokalli të varietetit Charentais ose honeydew portokalli.

4 filxhanë pjepër i pjekur 1 filxhan lëng molle, çerek filxhani lëng lime i freskët. 1 filxhan boronica të freskëta 1 filxhan mjedra të kuqe.

Sot mund të lexoni Shfletoni kopertinat