Një përqafim në ditë e mban mjekun larg! Nuk ka dyshim se përqafimi na bën të ndihemi mirë, megjithatë, përveç kësaj, ky proces sjell shumë përfitime të tjera, veçanërisht kur bëhet fjalë për zhvillimin e fëmijëve. Le të zhytemi në shkencën e përqafimeve dhe të mësojmë se çfarë gjërash të tjera pozitive sjellin në jetën tonë.
1. Përqafimet krijojnë fëmijë të lumtur.
Ndikimi psikologjik i përqafimit është i madh. Jo vetëm që rrit vetëvlerësimin e fëmijëve dhe ndjenjat e vetëbesimit, por gjithashtu i ndihmon ata të qëndrojnë optimistë. Këto 3 burime psikologjike (vetëvlerësimi, zotërimi dhe optimizmi) janë të ndërlidhura ngushtë dhe zbusin efektet e ngjarjeve stresuese, të cilat në fund të fundit, e bëjnë një fëmijë të ndihet i dashur dhe i lumtur.
2. Përqafimet u mësojnë fëmijëve të zhvillojnë empatinë.
Përqafimi ju ndihmon ju dhe fëmijën tuaj të përfshiheni në momentin e tanishëm, duke u zhytur në mënyrën sesi të dy ndiheni emocionalisht dhe psikologjikisht. Ky lloj i shkëmbimit të energjisë i tregon fëmijës vlerën e empatisë, e cila dodh kur ata zhvillojnë një kuptim se si të tjerët mund të ndihen. Prandaj, një përqafim është një mësim i mirë për t'u treguar fëmijëve se çfarë do të thotë të bashkohesh me njerëzit dhe t’i duash të tjerët.
3. Përqafimet ndalojnë shqetësimet.
T’i japësh një përqafim fëmijës nuk do të thotë të heqësh dorë nga këshillimi kur sillen keq, por përkundrazi, i ndihmon të vetë-rregullohen. Oksitocina, hormoni i dashurisë, fillon ta qetësojë fëmijën dhe t’i lehtësojë ankthin.
Për më tepër, përqafimet ndihmojnë në kapërcimin e konfliktit midis bashkëshortëve në një mënyrë më të lehtë dhe më të shpejtë.
4. Përqafimet krijojnë fëmijë më të zgjuar.
Fëmijët kanë nevojë për stimulim të ndryshëm ndijor për zhvillimin e tyre. Kjo është arsyeja pse prekja fizike dhe kontakti i ndryshëm i lëkurës janë thelbësore për ta. Dr. Seth Pollak dhe kolegët e tij në Ëaisman Center dhe Departamenti i Psikologjisë i Universitetit të Ëisconsin ‐ Madison bënë kërkime për të krahasuar fëmijët që ishin birësuar nga jetimorja dhe që u rritën në familje të qëndrueshme. Grupi i parë tregoi më shumë vonesa të aftësive motorike, si dhe zhvillim njohës të dëmtuar për shkak të mungesës së ndërveprimit prekës.
Hulumtime të tjera treguan se sigurimi i 15 minutave të tjera të stimulimit prekës në ditë, për 10 ditë, për fëmijët në jetimore kontribuojnë në rezultatet e tyre më të larta në vlerësimet e zhvillimit, si dhe më shumë aktivitet në përgjithësi.
5. Përqafimet i ndihmojnë fëmijët të rriten.
Shkencëtarët kanë zbuluar se trupat e fëmijëve ndalen së rrituri normalisht nëse nuk privohen nga prekja shqisore dhe përqafimet në veçanti, përkundër faktit që ata marrin një konsum të rregullt të vitaminave dhe ushqyesvëe të tjerë të nevojshëm. Kjo gjendje njihet si "dështimi-për të lulëzuar".
Shpjegimi për këtë fenomen është mjaft i thjeshtë: hormoni special, oksitocina (i njohur edhe si hormoni i dashurisë), lëshohet kur përqafohen. Ky hormon sjell shumë efekte pozitive në trupin tonë dhe stimulimi i rritjes është njëri prej tyre. Kur lëshohet, ajo gjithashtu rrit forcimin e hormoneve të tjerë të rritjes, gjë që promovon rritjen e fëmijës.
6. Përqafimet i ndihmojnë fëmijët të qëndrojnë të shëndetshëm.
Siç kemi përmendur tashmë, hormoni i oksitocinës, i cili lëshohet gjatë aktit të përqafimit, ka një mori përfitimesh pozitive. Njëra prej tyre është duke ndihmuar fëmijën të qëndrojë i shëndetshëm dhe të përmirësojë sistemin imunitar. Gjithashtu, oksitocina promovon shërimin më të shpejtë të plagëve dhe ndihmon në uljen e inflamacionit.
7. Përqafimet krijojnë një lidhje të fortë midis një fëmije dhe një prindi.
Përqafimet promovojnë një rritje të besimit që është një element thelbësor në ndërtimin e marrëdhënieve me fëmijët, si dhe me njerëzit e tjerë.
Oksitocina ndihmon në uljen e ndjenjës së frikës dhe rrit gatishmërinë për të marrë rreziqe dhe besuar të tjerët. Ai gjithashtu përmirëson ndjenjat e fëmijëve dhe sigurinë e lidhjes prindër-fëmijë.
