​COVID-19 mund të transmetohet nga nëna te fëmija gjatë shtatzënisë - Bota Sot
​COVID-19 mund të transmetohet nga nëna te fëmija gjatë shtatzënisë

Shëndetësia

​COVID-19 mund të transmetohet nga nëna te fëmija gjatë shtatzënisë

Më: 12 korrik 2020 Në ora: 19:02
Foto ilustrim

Transmetimi i virusit SarsCov2 nga nëna te fëmija gjatë shtatzënisë mund të jetë i mundur.

Të dhënat dalin nga dy raste në qendër të një studimi italian, të kryer në 31 gra që lindën midis marsit dhe prillit.

Ky studim u arrit nga Universiteti Shtetëror i Milanos me spitalin ”Sacco”, poliklinikën ”San Matteo” në Pavia dhe spitalin ”San Gerardo” në Monza.

Rezultatet, të ndara në medRxiv, janë paraqitur në një konferencë, pjesë e kongresit ”AIDS 2020”.

“Të porsalindurit janë të gjithë të shëndetshëm, por në dy raste kemi gjetur të dhëna që sugjerojnë fuqimisht se transmetimi i virusit ka ndodhur”, shpjegon studiuesi Claudio Fenizia.

“Foshnja e parë, e lindur para kohe nga një nënë me një formë shumë të rëndë Covid-19, u testua pozitive për 7-10 ditë. Si plazma ashtu edhe gjaku i kordonit të kërthizës u testuan pozitive për virusin”, theksoi ai.

Fëmija i dytë, djalë i një nënë me pak simptoma, ishte pozitiv për disa orë pas lindjes dhe kishte një placentë pozitive.

Shfaq komentet
comments powered by Disqus
Sot mund të lexoni Shfletoni kopertinat