Një studim i kohëve të fundit ka treguar se të mbijetuarit nga Covid-19 rrezikojnë të vuajnë më shumë sesa njerëzit e tjerë nga çrregullimet psikiatrike, siç janë stresi post-traumatik, pagjumësia, depresioni, ankthi, simptoma obsesive-kompulsive.
Studimi, i botuar në “Brain, Behavior, and Immunity”, u krye në Itali nga një ekip i udhëhequr nga psikiatër Francesco Benedetti, në Spitalin San Raffaele në Milano, në mbi 402 pacientë nga të cilët 265 burra dhe 137 gra, të cilët ishin u trajtuan midis 6 Prillit dhe 9 Qershorit.
56% e pacientëve, pas shërimit, raportuan të paktën një çrregullim psikiatrik. Në mënyrë të veçantë, pacientët shfaqën simptoma të stresit post-traumatik në 28% të rasteve, depresion në 31% të rasteve, ankth në 42%, pagjumësi në 40%, simptoma obsesive-kompulsive në 20%.
Në këtë drejtim Benedetti deklaroi:
“Menjëherë u bë e qartë se inflamacioni i shkaktuar nga sëmundja mund të ketë pasoja në një nivel psikiatrik. Në fakt, gjendjet inflamatore si pasojë e infeksioneve virale, mund të përbëjnë faktorë rreziku për patologji të ndryshme, në veçanti depresionin”.
Sipas studimit, problemet psikiatrike shkaktohen nga infeksioni i drejtpërdrejtë viral i sistemit nervor qendror ose nga reagimi imunitar ndaj sëmundjes, megjithëse stresi, izolimi shoqëror, frika nga gjykimi i jashtëm, frika nga situata, janë faktorë të tjerë që kontribuojnë në këtë problem.
Hulumtimi gjithashtu zbuloi se pacientët që morën më pak mbështetje shëndetësore kishin rezultate më të këqija të shëndetit mendor sesa njerëzit që trajtoheshin në spital dhe gratë ishin më të prekura nga ankthi dhe depresioni.
Në fakt, studimet e mëparshme kishin gjetur një rritje të problemeve të shëndetit mendor tek të mbijetuarit e koronavirusëve të tjerë, siç është SARS. Dhe psikologë të ndryshëm kishin intuitë të hershme se pandemia do të kishte pasoja psikologjike mbi popullatën.
Tedros Adhanom Ghebreyesus, drejtori i përgjithshëm i OBSH-së, tha se çrregullimet e stresit dhe ankthit mund të shkaktojnë një epidemi “paralele”. Dhe në një artikull të botuar në “The Conversation”, disa psikologë klinikë në Qendrën për Shkencë të Lidhjes Sociale në Universitetin e Uashingtonit nënvizuan rrezikun e rritjes drastike të depresionit.
