Noti në ujë të ftohtë mund të mbrojë trurin nga sëmundjet degjenerative si humbja e kujtesës, kanë zbuluar studiuesit nga Universiteti i Kembrixhit.
Një proteinë që krahasohet me një “goditje të ftohtë” është gjetur në gjakun e notarëve të rregullt të dimrit në Londër.
Proteina është treguar se ngadalëson fillimin e demencës (humbja e kujtesës) dhe madje riparon disa nga dëmet që shkakton tek minjtë.
Profesoreshë Giovanna Mallucci, e cila drejton Qendrën e Kërkimit të Demencias në Mbretërinë e Bashkuar në Universitetin e Kembrixhit, thotë se zbulimi mund t’i drejtojë studiuesit drejt trajtimeve të reja të ilaçeve të cilat mund të ndihmojnë në këtë çështje.
Kërkimi – megjithëse premtues – është në një fazë të hershme, por përqendrohet në aftësinë e letargjisë që të gjithë gjitarët mbajnë, e cila nxitet nga ekspozimi ndaj të ftohtit.
Studiuesit po kërkojnë mënyra të reja për të trajtuar gjendjen, pasi opsionet aktuale kanë vetëm ndikim të kufizuar.
