Në vend të kapsulave me probiotikë, është më mirë të përdorni ushqime që veprojnë si probiotikë - çokollatë e zezë, kos, lakër turshi dhe veçanërisht kefir.
Probiotikët kanë ndikim në ruajtjen e ekuilibrit të baktereve në zorrë dhe sistemin e tretjes, por provat e reja, megjithatë, tregojnë se shumë probiotikë mund të shkaktojnë simptoma mjaft të pakëndshme.
Përdorimi i probiotikëve mund të rezultojë në një grumbullim të konsiderueshëm të baktereve në zorrë, gjë që mund të çojë në çorientim, fryrje të stomakut, dhimbje stomaku.
Në një studim me 30 pacientë, 22 prej tyre raportuan probleme të tilla si konfuzion dhe vështirësi në përqendrim, si dhe fryrje të stomakut. Duhet të theksohet se të gjithë pjesëmarrësit morën probiotikë.
“Studiuesit kanë zbuluar koloni të mëdha bakteresh që shumohen në zorrët e holla të pacientëve, por edhe nivele të larta të acidit D-laktik të prodhuar nga fermentimi i sheqerit laktobacilit nga ushqimi i tyre”, tha drejtori i neuro-gastroenterologjisë në Shkollën Mjekësore në Gjeorgji, Satish Rao.
Acidi D-laktik dihet që është përkohësisht toksik për qelizat e trurit. Studiuesit zbuluan se disa pacientë kishin dy deri në tre herë sasinë e acidit D-laktik në gjakun e tyre sesa normalja.
Disa thanë se çorientimi i tyre dhe humbja e aftësisë njohëse, e cila zgjati nga gjysmë ore deri në disa orë pas ngrënies, ishte aq e rëndë sa u duhej të linin punën.
Sipas një raporti të botuar në revistën Clinical and Translational Gastroenterology, kjo është hera e parë që krijohet një lidhje midis kushteve të trurit dhe rritjes së tepruar bakteriale në zorrën e hollë, e shkaktuar nga nivele të larta të acidit D-laktik në zorrë dhe përdorimit të probiotikëve.
Megjithëse probiotikët mund të jenë të dobishëm në disa situata, të tilla si ndihma për një pacient të rindërtojë bakteret në zorrë pas marrjes së antibiotikëve, studiuesit kanë këshilluar kujdes dhe kanë kundërshtuar përdorimin e tepruar dhe pa kriter të tij.
“Probiotikët duhet të trajtohen si ilaç, dhe jo si shtesë dietike”, tha Rao.
Mjeku vëren se do të ishte mirë të përdoren ushqime që veprojnë si probiotikë - çokollatë e zezë, kos, lakër turshi dhe veçanërisht kefir.
