Depresioni është një sëmundje shumë më komplekse sesa të ndjerit i mërzitur ose pa energji dhe motivim.
Sipas Healthline, kjo sëmundje mund të prekë gjendjen tuaj emocionale ose\edhe gjendjen tuaj fizike. Disa prej simptomave mund të jenë kalimtare, disa prej tyre mund të jenë me një efekt më të gjatë deri të përhershme.
Simptomat e depresionit përjetohen ndryshe varësisht gjinisë dhe moshës, si e tillë efektet e saj mund të jenë të ndryshëm tek meshkujt, femrat dhe fëmijët.
Meshkujt përgjithësisht përjetojnë ndjesi të tilla, si:
Në aspektin emocional: ndjenja inati, agresiviteti, irritim, lodhje, ankth.
Në aspektin e botëkuptimit mbizotërojnë ndjenja të tilla, si: të ndjerit bosh, i pashpresë dhe i paplotësuar.
Në sjellje: humbje interesi, heqje dorë nga gjërat që më parë kanë qenë të pëlqyera, lodhje shumë e shpejtë dhe e shpeshtë, tentative vetëvrasje dhe orientimi drejt veseve të tilla si: përdorimi i drogës, alkolit dhe rritje e përfshirjes në aktivitete me rrezikshmëri të lartë.
Në aspektin e aftësive konjuktive: Probleme të dukshme në përqendrim, në interaktivitetin gjatë një komunikimi dialogues, dhe vështirësi në kryerjen e detyrave dhe përgjegjësive.
Te femrat simptomat më të shpeshta janë:
–Në aspektin emocional mbizotërojnë ndjenja të tilla, si: irritimi, të ndjerit në ankth, bosh dhe e pashpresë.
Në sjellje vërehet humbje interesimi, izolimi social dhe dëshirë për vetëvrasje.
Në aspektin konjuktiv: të menduarit dhe të vepruarit më ngadalë se sa zakonisht.
Në aspektin fizik: Ndryshim në ushqyerje, energji dhe motivim i ulur, ndryshim në peshë, dhimbje trupi, dhimbje koke etj.
Fëmijët përjtojnë simptoma të tilla, si:
Tek grupmoshat më të vogla vihet re në një ndryshim i shpeshtë i humorit, irritim, të qara dhe agresivitet i shtuar. Vërehet një rritje e ndjesisë së fajit dhe të ndjerit jo kompetent për të kryer detyrat e përditshme (“unë nuk mund të bëj asgje në rregull”!).
Fëmijët e kanë shumë të vështirë të përqëndrohen, kanë tendencën për të refuzuar socializimin/përfshirjen me grupin shoqëror, në shkollë apo në komunitet. E shpeshtë është edhe ulja e produktivitetit në performancën e shkollës, çrregullim ose mungesë e gjumit dhe kequshqyerje me pasojë rritje\ulje në peshë dhe probleme digjestive.
