Në Universitetin e Oksfordit u zhvilluan kërkime për të përcaktuar fuqinë reale të mjaltit të pa rafinuar. Kërkimet u bënë nga një grup shkencëtarësh, të cilët dolën në përfundimin se mjalti mund të zëvendësojë ilaçet.
A mund ta përdorim mjaltin në vend të antibiotikëve tradicionalë? Sipas gjetjeve të fundit, mjalti është po aq efektiv sa antibiotikët kur bëhet fjalë për trajtimin e kollës dhe ftohjes.
Studiuesit shqyrtuan studimet dhe krahasuan përfitimet që ofron mjalti. Rezultatet treguan se mjalti nuk ka efekte anësore, duke shtuar se është më efikas në trajtimin e simptomave të ftohjes së zakonshme sesa ilaçet e tjera.
Mjalti lehtësoi kollën me 44 për qind. Nektari ishte 36 për qind më efektiv në uljen e frekuencës së kollës sesa ilaçet e tjera.
Shkencëtarët zbuluan se mjalti shkurton periudhën e shërimit të infeksionit të traktit të sipërm respirator. Studiuesit e Oksfordit shqyrtuan 14 studime ku përfshihen 1,761 pjesëmarrës.
“Meqenëse shumica e infeksioneve të traktit të sipërm respirator janë virale, receta e antibiotikëve është joefektive dhe e papërshtatshme.
Mjalti është i sigurt për përdorim, por duhet të shmangni nëse keni reaksione alergjike. Foshnjat nën moshën një vjeç nuk duhet ta konsumojnë atë.
