“Pak ftohje në ditë mban larg mjekun”- Efektet pozitive të temperaturave të ulëta janë…

Shëndetësia

“Pak ftohje në ditë mban larg mjekun”- Efektet pozitive të temperaturave të ulëta janë…

Më: 5 janar 2021 Në ora: 17:35
Ilustrim

Ndërsa temperaturat ulen, krevati i ngrohtë dhe ambientet e mbyllura bëhen më joshëse për të gjithë.

Por, teksa zgjidhni të qëndroni ngrohtë, ju privoheni nga një sërë përfitimesh shëndetësore që lidhen me të ftohtin, shkruan “Health Line”.

Shkencëtarët besojnë se ekspozimi i rregullt në temperatura të ulëta, ndihmon në shkrirjen e dhjamit, në përmirësimin e metabolizmit, në parandalimin e diabetit, si dhe për problemet me mushkëritë dhe zemrën.

Kur ndodheni në një ambient të ftohtë, rrahjet e zemrës rriten, enët e gjakut ngushtohen, frymëmarrja shpejtohet dhe muskujt furnizohen me oksigjen, sipas ekspertëve. Këto procese fiziologjike rregullojnë sistemin kardiovaskular.

Sipas Prof. Wouter van Marken Lichtenbelt të “Qendrës Mjekësore të Universitetit Maastricht”, “pak ftohje në ditë e mban larg mjekun”.

Studimet sugjerojnë ekspozime të thjeshta ditore, si për shembull: ecja gjatë një pasditeje të freskët, veshja me pak rroba gjatë dimrit, hapja e dritareve herë pas here në shtëpi, gjumi në dhomë më të freskët ose dushet e ftohta mund të sjellin përfitime të mahnitshme.

Fjetja në një dhomë gjumi të freskët rrit funksionimin e metabolizmit me 10%.

Ushtrimet dimërore gjithashtu japin një nxitje të fuqishme në shëndetin mendor: në temperatura të ulëta, trupi çliron hormonet që ndihmojnë për të shmangur gjendjet e këqija emocionale gjatë dimrit.

commentFirst article
Sot mund të lexoni Shfletoni kopertinat