Tre të katërtat e pacientëve të shëruar nga Covid-19, simptoma deri 6 muaj më vonë

Shëndetësia

Tre të katërtat e pacientëve të shëruar nga Covid-19, simptoma deri 6 muaj më vonë

Më: 12 janar 2021 Në ora: 16:08
Foto ilustrim

Sipas një studimi kinez, shumica e pacientëve që kanë qenë të shtruar në spital me Covid-19 ende vuajnë nga disa simptoma, përfshirë lodhje dhe vështirësi në gjumë, gjashtë muaj pas shërimit.

Studimi i cili përfshiu rreth 1700 pacientëve në qytetin Wuhan, epiqendra fillestare e pandemisë, tregoi se 76% zhvilluan të paktën një simptomë, disa muaj pasi dolën nga spitali.

Studimi tregon se edhe njerëzit që shërohen nga Covid-19 mund të pësojnë ndikime afatgjata shëndetësore nga koronavirusi, i cili ka infektuar më shumë se 90 milionë njerëz në të gjithë botën.

Studimi, më i madhi në llojin e tij i kryer deri në këto momente, u botua të premten në revistën mjekësore, The Lancet. Raporti zbuloi se lodhja dhe vështirësitë e gjumit ishin simptomat më të zakonshme të post-Covid, të cilat ndodhin përkatësisht në 63% dhe 26% të pacientëve, gjashtë muaj pas fillimit të simptomave fillestare.

Virusi mund të ketë gjithashtu komplikime psikologjike afatgjata, me ankth ose depresion të raportuar midis 23% të pacientëve. Pacientët të cilët ishin të sëmurë më rëndë, kanë tendencën të kenë probleme të mushkërive.

“Për shkak se Covid-19 është një sëmundje e re, ne sapo kemi filluar të kuptojmë disa nga efektet e saj afatgjata në shëndetin e pacientëve”, dr. Bin Cao i China-Japan Friendship Hospital dhe Capital Medical University, i cili drejtoi studimin ekipit.

“Analiza jonë tregon se shumica e pacientëve vazhdojnë të kenë të paktën disa nga efektet e virusit edhe pas daljes nga spitali dhe thekson nevojën për kujdes të vazhdueshëm, veçanërisht për ata që zhvillojnë simptoma të rënda.

Shfaq komentet
comments powered by Disqus
Sot mund të lexoni Shfletoni kopertinat