Shumica e dhimbjeve që gratë përjetojnë gjatë lindjes janë të përqendruara në mitër si rezultat i kontraktimeve të mëdha që ndihmojnë lëvizjen e fëmijës poshtë në kanalin e lindjes.
Sidoqoftë, në afërsisht 25 përqind të grave, dhimbja e shpinës mund të shfaqet dhe në disa raste, që mund të bëhet ngacmuese gjatë nëntë mujorit shkruan VeryWellFamily.
Duke kuptuar shkaqet e të ashtuquajturës “dhimbja shpine”, ju mund të ndërmarrni hapa për të menaxhuar më mirë simptomat.
Mënyrat për të lehtësuar dhimbjen
Nëse keni dhimbje në shpinë, një epidurale mund të ndihmojë në lehtësimin e dhimbjes.
Mirëpo, nëse dhimbja vazhdon ose po shpresoni për një lindje natyrale, këto teknika alternative mund të ndihmojnë:
Një top lindje është i njëjtë me topat e ushtrimeve që mund të keni parë në një palestër ose në zyrën e një terapisti fizik.
Mund të përdoret në shumë mënyra të ndryshme për të lehtësuar dhimbjen në lindje. Ju mund të uleni mbi të dhe të rrokulliseni ose të kërceni mbi të, ose ta vendosni atë kundër një muri dhe të mbështeteni mbi të – çdo gjë që funksionon për ju.
Zhytja e vetes në një vaskë mund të jetë gjithashtu një rehati e madhe gjatë lindjes. Ose mund të marrësh pozicionin e duarve dhe gjunjëve në dush dhe le të rrjedhë uji i ngrohtë në shpinë.
Ju mund të vendosni peshqir në dyshemenë e dushit për ta bërë atë më të rehatshme ose duke u mbështetur mbi një top lindjeje.
