A janë më të rrezikuar nga dielli meshkujt apo femrat?

Shëndetësia

A janë më të rrezikuar nga dielli meshkujt apo femrat?

Më: 14 prill 2021 Në ora: 21:16
Foto ilustrim

Dielli shkakton një rritje më të shpejtë të kan.cerit të keq të lëkurës te meshkujt. Ai paraqitet më i shpejtë dhe është më i shpeshtë se sa te femrat, kanë treguar studimet e fundit.

“Është e ditur se meshkujt janë më të ndjeshëm për të pranuar kancerin e lëkurës krahasuar me femrat. Meshkujt janë dyfish më shumë të sëmurë me kancer të lëkurës në krahasim me femrat”, thonë studiuesit nga Ohio State University.

Pse?

Hulumtuesit zakonisht vlerësojnë se kjo vjen për shkak se meshkujt janë më të prirë të bëjnë punë jashtë se sa femrat, dhe se ata janë më pak të kujdesshëm për të mbrojtur lëkurën e tyre me ndonjë mjet për hije, këmishë ose kapelë.

Për të testuar këtë teori, ekipi studiues ka ekspozuar një mi pa qime në rreze ultravjollcë të lëshuar nga llambë rrezatuese. Miu i është nënshtruar një sesioni rrezatimi tre herë në javë nga 8 deri në 10 minuta, për gjashtë muaj. Kjo ishte e mjaftueshme për t’u sjellë kancerin e lëkurës të dyve, miut femër dhe atij mashkull.

Ne gjetëm se meshkujt pësuan tumor të lëkurës më herët, më shumë në sasi, dhe pjesa më e madhe e tumorit ishte i rëndë”, është shprehur Oeryszyn.

Lëkura e meshkujve, më e ndjeshme? Çfarë ndodh? Testimi i lëkurës së minjve meshkuj dhe femra ka nxjerrë në pah zbulime befasuese. Qelizat e lëkurës së meshkujve kanë mbartur më pak antioksidues se sa qelizat e lëkurës së femrave.

“Lëkura jonë ekspozohet ndaj të dyjave, stimulimeve trupore dhe atyre të ambientit rrethues, gjatë gjithë kohës”, thonë studiuesit. “Sistemi imun kujdeset për shëndetin tonë. Por sistemi imun mund të mbiveprojë ndonjëherë. Trupi pëson një mbiprodhim të lëndëve reaktive oksiduese dhe antioksiduesit mbrojnë nga kjo”.

Hulumtuesit tashmë janë duke analizuar lëkurën e njerëzve, për të parë nëse gjithçka është e njëjtë si e minjve.

“Mendojmë se lëkura e meshkujve është thjesht më e ndjeshme. Mbase meshkujt kanë nevojë për diçka që do t’i pajis me më shumë antioksidues – ndoshta ushqim, ndoshta ndonjë krem trupore. Krahas mbrojtjes nga dielli, meshkujt do të duhet të kujdesen më shumë se sa femrat. Kjo nuk është diçka kozmetike, por një problem shëndetësor”.

Por, disa studiues mendojnë se me gjithë dallimet mes lëkurës së të dy gjinive, arsyeja e vërtetë e numrit më të madh të rasteve të kancerit të lëkurës tek meshkujt është se ata janë më të ekspozuar në dritën ultravjollce që është nxitëse e kancerit.

commentFirst article
Sot mund të lexoni Shfletoni kopertinat