Rreziku i transmetimit sipërfaqësor të Covid-19 është i ulët, thanë të hënën – Qendrat Amerikane për Kontrollin dhe Parandalimin e Sëmundjeve (CDC). Vazhdon të jetë e ende rëndësishme transmetimi përmes ajrit.
“CDC përcaktoi që rreziku i transmetimit sipërfaqësor është i ulët dhe dytësor ndaj rrugëve kryesore të transmetimit të virusit përmes pikave të kontaktit direkt dhe aerosoleve”, tha Vincent Hill, ekspert i lartë në fushën e parandalimit të sëmundjeve shkruan CNN.
Eksperti Hill tha se rreziku i transmetimit nga prekja e një sipërfaqeje megjithëse i vogël dhe se dielli e faktorë të tjerë mund të shkatërrojnë viruset.
Virusi vdes “shpejt” në sipërfaqe poroze por mund të qëndrojë më gjatë në sipërfaqe të forta të brendshme.
Studimi gjithashtu sugjeroi që transmetimi sipërfaqësor ishte më i mundshëm në 24 orët e para pasi një person ishte infektuar, dhe se familjet ku një person kishte Covid-19 patën një normë më të ulët transmetimi kur shtëpia pastrohej dhe dezinfektoheshin sipërfaqet.
Në shumicën e situatave, pastrimi i sipërfaqeve duke përdorur sapun ose detergjent, dhe jo dezinfektues të fortë, ishte i mjaftueshëm për të zvogëluar rrezikun tashmë të ulët të transmetimit të virusit nëpër sipërfaqe, tha Hill.
“Dezinfektimi i sipërfaqeve zakonisht nuk është i nevojshëm, përveç nëse një person i sëmurë ose dikush pozitiv për Covid-19 ka qenë në shtëpi brenda 24 orëve të fundit”.
Hill tha se pastrimi duhet të përqendrohet në zona me kontakt të lartë, të tilla si dorezat e derës dhe çelësat.
