Bari oral i kompanisë Merck tregon rezultate premtuese në provat e hershme klinike kundër COVID-19

Shëndetësia

Bari oral i kompanisë Merck tregon rezultate premtuese në provat e hershme klinike kundër COVID-19

Më: 20 prill 2021 Në ora: 23:28
Ilustrim

Një bari eksperimental mund të ndihmojë në përfundimin e shpejtë të infeksionit nga COVID-19 në pacientët me raste më të lehta të virusit.

Bari terapeutik i quajtur molnupiravir, do të ishte bari i parë oral i krijuar posaçërisht për të luftuar COVID-19 shkruan Very Well Health.

Ekspertët thonë se rezultatet e provave të hershme janë premtuese dhe mund të ndihmojnë në shkurtimin e kohës që njerëzit e infektuar mbeten pozitivë për virusin.

Kompania farmaceutike Merck njoftoi me 6 mars 2021, se prova klinike e fazës 2 për një bari oral për të luftuar COVID-19 ka zbulime të hershme premtuese.

Studiuesit zbuluan se bari molnupiravir, ndihmon në zvogëlimin e ngarkesës virale te pacientët me COVID-19.

Merck dhe kompania partnere Ridgeback Biotherapeutics njoftuan rezultatet e provës klinike të fazës 2a të kompanive në një njoftim për shtyp.

Studimi regjistroi 202 të rritur që kishin shenja ose simptoma të COVID-19 brenda shtatë ditëve të fundit dhe konfirmuan se ishin infektuar me SARS-CoV-2, virusi që shkakton COVID-19.

Nëse më shumë prova klinike tregojnë se molnupiravir është një trajtim efektiv për COVID-19, ai do të bëhej bari i parë oral i krijuar posaçërisht për të luftuar virusin.

Megjithatë, që nga tani – pacientët me raste më të lehta të virusit mund të përdorin barna pa recetë, kundër dhimbjeve dhe zvogëlues të etheve, për të trajtuar simptomat. 

Shfaq komentet
comments powered by Disqus
Sot mund të lexoni Shfletoni kopertinat