Të flesh më tepër seç duhet ka ndikim negativ në shëndetin dhe jetën e njeriut, prandaj është e rëndësishme të kuptoni dhe zbuloni arsyet pse ju ndjeni lodhje të vazhdueshme, e cila sjell më pas gjumë të tepërt. Më poshtë ju shfaqim disa nga këto arsye sipas ‘Bright Side’:
1-Anemia
Anemia është sëmundja e mungesës së hekurit në gjak, duke shkaktuar lodhje dhe dobësi.
2-Diabeti
Diabeti shkaktohet kur insulina e prodhuar në trupin tuaj nuk është në sasinë e duhur. Më pas kjo sjell rritjen e sasisë së sheqerit në gjak.
3-Hipertiroidet
Problemet me tiroidet nisin kur ato nuk prodhojnë sasinë e duhur të hormoneve. Këto hormone janë përgjegjëse për energjinë dhe funksionin e trupit.
4-Sëmundja e Alzaimer
Gjumi i tepërt shkakton disa akumulime beta-amiloide. Këto akumulime janë shenjat e para të Alzaimer.
5-Sëmundja e këmbëve
Kjo sëmundje ka të bëjë me lëvizjen e pakontrolluar të këmbëve gjatë gjumit. Kjo shkakton prishjen e regjimit të gjumit, duke sjellë më pas dobësi trupore.
6-Apnea e gjumit
Apnea e gjumit ka të bëjë me bllokimin e rrugëve të frymëmarrjes ndërkohë që ju flini, duke ju prishur gjumin dhe duke sjellë më pas lodhje.
7-Sindroma e lodhjes kronike
Nëse ju ndjeni lodhje të vazhdueshme për rreth 3 ose 4 muaj, atëherë ka gjasa që ju të vuani nga sindroma e lodhjes kronike. Kjo sëmundje mund të shkaktohet kur ju keni përjetuar ndonjë eksperiencë traumatike.
