Lëngu i patëllxhanit për uljen natyrale të sheqerit në gjak

Shëndetësia

Lëngu i patëllxhanit për uljen natyrale të sheqerit në gjak

Më: 25 korrik 2021 Në ora: 08:22
Foto ilustrim

Njerëzit që vuajnë nga diabeti duhet të bëjnë zgjedhje të kufizuara ushqimore.

Në veçanti, ata duhet të kufizojnë sasinë e karbohidrateve.

Sipas të dhënave nga AgroWeb.org, patëllxhani është një nga ushqimet më të mira për diabetikët sepse përmban pak karbohidrate.

Me lëngun e tij, mund të përgatisni një pije krejt natyrale për të ulur nivelin e sheqerit në gjak.

Lëngu I Patëllxhanit Për Uljen Natyrale Të Sheqerit Në Gjak

Nëse vuani nga diabeti i tipit 2, duhet të konsumoni më shumë perime që përmbajnë sasi të kufizuara niseshteje por shumë yndyra të shëndetshme dhe proteina.

Nëse diabetikët nuk heqin dorë nga karbohidratet, duhet të paktën të konsumojnë ato ushqime që janë të pasura edhe me fibër.

Përbërësit:

1 Patëllxhan

Lëngu i një limoni

Ujë

Përgatitja:

Prijeni patëllxhanin në copa të vogla dhe hidhini në një tenxhere të mbushur mesatarisht me ujë.

Ziejini për 5 deri në 10 minuta dhe më pas hiqeni tenxheren nga zjarri.

Pasi lëngu të jetë ftohur, filtrojeni dhe hidheni në një gotë qelqi.

Shtoni lëngun e limonit dhe pijeni.

Këtë pije mund ta konsumoni rregullisht për një muaj për të ulur nivelin e sheqerit në gjak në mënyrë natyrale.

Mund ta përsërisni pas disa kohësh.

Diabetikët Duhet Të Konsumojnë Më Shumë Patëllxhanë

Patëllxhani është një perime që ka pak karbohidrate por shumë fibër.

Kjo perime gatuhet lehtë dhe përfshihet në shumë receta interesante.

Patëllxhani është një perime që përmban pak kalori dhe asnjë gjurmë kolesteroli.

Sipas të dhënave të AgroËeb.org, ai nuk përmban kripë dhe nuk e rrit nivelin e sheqerit në gjak.

Patëllxhani është i mbushur me antioksidantë dhe është efikas në uljen e inflamacionit dhe mbrojtjen e organizmit nga sëmundjet e ndryshme.

Patëllxhani përmban kalium, një mineral esencial që parandalon isheminë dhe ngritjen e tensionit të gjakut.

Patëllxhani është një zëvendësues ideal i mishit në regjimet vegjetarianë.

Ai ka aftësinë të forcojë kockat, parandalojë osteoporozën, reduktojë simptomat e anemisë, fuqizojë funksionet e trurit, përmirësojë shëndetin kardiovaskular, sistemin tretës, ndihmojë me rënien në peshë.

commentFirst article
Sot mund të lexoni Shfletoni kopertinat