A është e sigurt të hani patate të mbira?

Shëndetësia

A është e sigurt të hani patate të mbira?

Më: 1 gusht 2021 Në ora: 23:06
Foto ilustrim

Nëse keni parë ndonjëherë patate që po mbijnë në shtëpinë tuaj, me siguri keni menduar dy herë për t’i ngrënë.

Por siç e dimë të gjithë, vetëm sepse ushqimi duket i çuditshëm nuk do të thotë domosdoshmërisht që diçka nuk është në rregull me të. Pra, cila është e vërteta mbi patatet e mbira? Dhe më e rëndësishmja, a janë akoma të sigurta për t’u ngrënë? Ja përgjigja e shkurtër: Varet.

Sipas Best Food Facts, ekspertët thonë se shkaku i mbirjes në patate ka të bëjë me hormonet në bimë. Me kalimin e kohës, përqendrimi i këtyre hormoneve zvogëlohet, gjë që i lejon këto patate të mbijnë. Ndërsa kjo mund të tingëllojë e çuditshme, mbirja është në fakt një pjesë e domosdoshme e natyrës; pa të, patatet në fermë ose në kopsht nuk do të ishin në gjendje të riprodhonin ndonjë bimë të re.

Por a është mirë që ju ta hani në këtë fazë të jetës? David Douches, tha për Best Food Facts se patatet e mbirura janë të sigurta për t’u ngrënë, por vetë filizat duhet të hiqen dhe hidhen sepse nuk janë të ngrënshëm. Vlen gjithashtu të kihet parasysh se jo të gjitha patatet në këtë fazë janë krijuar të barabarta.

Dr Douches sqaroi: “Nëse patatja është ende në gjendje të mirë dhe është e fortë, është mirë të përgatitet si zakonisht dhe ajo ende ka shumicën e ushqyesve të saj. Por nëse filizat janë të gjatë dhe patatja është tkurrur dhe rrudhur, atëherë është mirë që ta hidhni”.

commentFirst article
Sot mund të lexoni Shfletoni kopertinat