Ushqimi i pashëndetshëm në lëkurën tuaj mund të shkaktojë skuqje, pore të zgjeruara, puçrra dhe qërim të lëkurës.
Ekzistojnë katër tipa të lëkurës së ndjeshme ndaj alkoolit, glutenit dhe produkteve të qumështit.
1. Fytyrë vere
Simptoma tipike janë të theksuar në rrudhat midis vetullave, skuqje rreth syve, kapakë të lëshuar, pore të zgjeruara, lëkurë e dehidruar, faqe dhe hundë të skuqur si edhe linja të thella midis hundës në drejtim të buzëve.
Shkaktar është konsumimi i tepërt i alkoolit. Alkooli dehidron lëkurën, gjë që përkeqëson pamjen e rrudhave, ndërsa sheqeri në alkool shkatërron kolagjenin e lëkurës.
2. Fytyrë gluteni
Simptoma tipike janë faqet e ënjtura dhe të skuqura, akne të cilat shfaqen në skaje të nofullave, si edhe njolla pigmenti rreth mjekrës. Supozohet që rreth 15 për qind e njerëzve janë të ndjeshëm ndaj glutenit.
3. Fytyrë qumështi
Simptoma tipike janë dëmtim i kapakëve të syve dhe të zonës nën sy me gropa të syve të errëta të theksuara. Shpesh shfaqen edhe puçrra të imta nëpër fytyrë, posaçërisht në pjesët përreth mjekrës.
Këto mund të jenë shenja që organizmi nuk e toleron laktozën për shkak të humbjes së enzimave të caktuara. Disa nga shkaktarët mund të jenë edhe hormonet të cilat sot shpesh gjenden në qumësht dhe në produktet e qumështit.
4. Fytyrë sheqeri
Tek individët të cilët janë të ndjeshëm ndaj sheqerit, simptomat më të shpeshta janë rrudhat dhe vijat në ballë, ënjtja e zonave nën sy, si edhe lëkura e thatë dhe e hollë. Gjithashtu, të shpeshta janë lungat nën lëkurë të cilat mund të shfaqen në cilëndo zonë të fytyrës.
Sheqeri është iniciator i procesit në të cilin molekulat e glukozës lidhen për kolagjenin, për shkak të të cilit ai bëhet i vrazhdë, ndërkaq lëkura humb elasticitetin.
