Sa kohë çdo ditë kaloni në rrjetet sociale në vend që t’i përkushtoheni partnerit tuaj dhe a munden rrjetet sociale të ndikojnë në lidhjen tuaj? Natyrisht se munden dhe më së shpeshti negativisht. Para se gjithash, nganjëherë për shkak të kohës së tepruar në Instagram, partneri juaj mund të ndjehet i lënë pas dore dhe jo vetëm këtë.
Publikimi i fotove të çifteve të përkryer në internet, në mënyrë direkte pasqyrohet edhe në vizionin dhe pritet tuaja, kur bëhet fjalë për lidhjen, transmeton Zeri.info. Një studim sociologjik ka treguar se një e treta e çifteve ndjehen të pakënaqur me lidhjen e tyre kur i shikojnë fotot e përkryera të çifteve tjera në Instagram.
Problemi në lidhje që shkaktohet nga fenomeni i rrjeteve sociale, paraqitet kur partnerët fillojnë ta shikojnë lidhjen e tyre përmes fotove të publikuara në Instagram. Kush, kujt ia ka pëlqyer më shumë fotografi? A keni publikuar ju më shumë foto të përbashkëta apo ai? Sa janë të mira fotot tuaja, në krahasim me fotot e çifteve tjera?
Sugjerohet që nëse doni ta përmirësoni lidhjen tuaj dhe komunikimin tuaj me partnerin, atëherë duhet ta sillni përdorimin e Instagramit në minimum dhe të kaloni më shumë kohë me njëri-tjetrin. Argëtoheni, shijojeni momentin në dashurinë tuaj dhe nuk ka nevojë ta regjistroni secilin moment me fotografi, por thjeshtë kënaquni.
