Uji në sistemin Diellor është më i bollshëm sesa mendohej. Edhe Plutoni fsheh një oqean nën sipërfaqen e tij të ngrirë, ashtu sikurse Hëna e Mërkurit, Europa dhe ajo e Saturnit, Encelado.
Në këtë konkluzion kanë mbërritur shkencëtarët e universiteteve japoneze, të cilët janë bazuar në studimet dhe simulimet në kompjuter nga të dhënat e marra nga sonda hapësinore e NASA-s, New Horizons. Studimi është publikuar në revistën Nature Geoscience.
Sipas planetologëve japonezë, oqeani në këtë planet ndodhet në afërsi të ekuatorit, aty ku edhe shtresa e akullit mendohet të jetë më e hollë, ndërsa madhësia sipas tyre është sa shteti amerikan i Texas-it.
Prania e oqeaneve nëntokësore dhe prania e ujit në disa planete të sistemit diellor, sipas ekspertëve shton mundësitë e formave të jetës në hapësirë.
