Duket se gushti do të jetë një muaj i mbushur me fluturime asteroidesh pranë Tokës.
Vetëm disa ditë më parë, NASA njoftoi se një trup i madh qiellor, "më i madh se ndërtesa Empire State", do të kalonte pranë planetit tonë.
Ndërkohë, është njoftuar gjithashtu se një tjetër asteroid i madh, i quajtur OU1, do t'i afrohet Tokës më 28 gusht, në një distancë prej vetëm 0.00687 njësive astronomike (më shumë se një milion kilometra), kanë zbuluar shkencëtarët në Laboratorin e Propulsionit Jet të NASA-s.
Vlerësohet se një asteroid rreth 150 metra i gjerë do të lëvizë drejt planetit tonë me një shpejtësi prej 13 kilometrash në orë.
Ky asteroid përfshihet në grupin Apollo, i cili është i përbërë nga asteroide potencialisht të rrezikshëm.
Potencialisht të rrezikshëm janë të gjithë trupat qiellorë me një seksion minimal në orbitë prej 0.05 njësish astronomike dhe një madhësi absolute prej 22.0 ose më pak.
Asteroidi që i afrohet Tokës është sa madhësia e Piramidës së Keopsit.
Vetëm disa javë më parë, një asteroid i quajtur OK 2019, me përmasa të ngjashme, kaloi në një largësi sa një e pesta e distancës nga Hëna.
Besohet se asteroidi i madh, i cili u vu re vetëm kur preku orbitën e Tokës, kishte fuqinë e një bombe atomike të aftë për të rrafshuar një qytet.
