Shkencëtarët: Po e pësojmë prej ngrohjes globale edhe më keq se që e kemi menduar - Bota Sot
Shkencëtarët: Po e pësojmë prej ngrohjes globale edhe më keq se që e kemi menduar

Shkencë & Teknologji

Shkencëtarët: Po e pësojmë prej ngrohjes globale edhe më keq se që e kemi menduar

Më: 22 shtator 2019 Në ora: 18:31
Foto ilustrim

Shenjat dhe ndikimi i ngrohjes globale po shpejtohen, thuhet në një raport të fundit shkencor mbi ndryshimet klimatike, të publikuara para bisedimeve kruciale të OKB-së në Nju Jork.

Të dhënat, të përpiluara nga Organizata Botërore e Meteorologjisë (OBM], thënë që periudha mes 2014-s dhe 2019-s është më e nxehta e regjistruar ndonjëherë.

Niveli i detit është rritur në masë alarmante gjatë së njëjtës periudhë, ndërsa emisionet e Dioksidit të Karbonit (CO2) kanë mbërritur shifra rekorde, shkruan BBC.

OBM-ja thotë që përpjekjet për të shkurtuar karbonin në atmosferë duhet të intensifikohen menjëhershëm.

Më brengosësja nga të gjitha është e dhëna për rritjen e nivelit të detit.

Rritja mesatare për çdo vit nga 1993-a ishte 3.2 milimetra. Sidoqoftë, nga maji i 2014-s e deri tash kemi pasur një rritje prej 5 milimetrash.

“Siç e kemi parë sivjet me efektet tragjike në Bahame dhe Mozambik, nivelet e rritjes së detit dhe stuhitë e fuqishme tropikale kanë çuar në katastrofa humanitare dhe ekonomike.” Thuhet më tej në raportim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...