A ka jetë në Venerë? Astronomët shohin shenja në retë e planetit “binjak” të Tokës

Shkencë & Teknologji

A ka jetë në Venerë? Astronomët shohin shenja në retë e planetit “binjak” të Tokës

Më: 16 shtator 2020 Në ora: 15:18
Foto Ilustrim

Astronomët kanë gjetur një shenjë të mundshme të jetës në retë që rrethojnë Venerën, i cili nganjëherë quhet planeti binjak i Tokës për shkak të madhësisë së tij të ngjashme.

Dy teleskopë në Hawaii dhe Kili panë një gaz të dëmshëm që në Tokë lidhet vetëm me jetën, sipas një studimi në revistën Nature Astronomy, shkruan Euronews.

Në Tokë, fosfina mund të formohet vetëm nga një proces industrial ose në kafshë apo mikrobe.

Bashkë-autorja e studimit Sara Seager, një shkencëtare planetare e MIT, tha se studiuesit “në mënyrë shteruese tejkaluan çdo mundësi tjetër dhe i përjashtuan të gjitha si: vullkanet, goditjet e rrufeve dhe meteorët e vegjël që bien në atmosferë”, transmeton Telegrafi.

“Asnjë proces i vetëm që kemi parë deri më tani nuk mund të prodhonte fosfinë në sasi mjaft të larta për të shpjeguar gjetjet e ekipit tonë”, tha Seager.

Autorët e studimit shkruan se shkaku mund të jetë “një gjeokimi e panjohur, ose ndoshta vet jeta”.

Disa ekspertë pajtohen se gjetja është emocionuese, por thanë se nuk do të thotë se ka prova të jetës në një planet tjetër.

Venera ka temperatura 425 gradë Celsius dhe pa ujë.

“Venera është ferr. Venera është një lloj binjaku i keq i Tokës”, tha Clements. “Është e qartë që diçka ka shkuar keq në Venerë. Është viktimë e një efekti serë”.

Disa shkencëtarë që nuk janë përfshirë në studim i thanë Associated Press se ishin hezitues, por të ngazëllyer për gjetjen.

NASA nuk ka dërguar asgjë në Venerë që nga viti 1989, megjithëse Rusia, Evropa dhe Japonia kanë dërguar sonda.

Agjencia Evropiane e Hapësirës dërgoi një anije kozmike për të studiuar Venerën në vitin 2005 me misionin që përfundoi në vitin 2014.

commentFirst article
Sot mund të lexoni Shfletoni kopertinat