Kur Apple prezantoi iPad Air, së bashku me të zbuloi edhe çipin e ri A14 Bionic i cili shumë shpejtë do të jetë në zemër të iPhone 12.
Çfarë do të thotë ky çip i ri për konkurrencën dhe si krahasohet? Nga informacionet e para të publikuara nga Apple me shumë gjasa do të jetë një hap i madh përpara në fuqinë e përpunimit dhe mund roli i tij do të jetë jetik në gjeneratën e parë të Mac.
A14 Bionic, ashtu si paraardhësi A13 nga seritë iPhone 11, ka dy bërthama të performancës së lartë dhe katër të performancës së ulët që përmirësojnë jetëgjatësinë e baterisë.
Kompania thotë se bërthama janë të gjitha të reja dhe duhet të përmirësojnë performancën me 40% krahasuar me A12 ndërsa me A13 sipas ekspertëve të jashtëm do të jetë jo më shumë se 16%.
Rritja e performancës nuk është aq e lartë në fuqinë grafike. GPU me katër bërthama duhet të ofrojë 30% më shumë performancë se A12 dhe 8% se A13.
Aty ku Apple bën diferencën me çipin e ri është inteligjenca artificiale e përdorur në fotografi. Apple thotë se A14 Bionic ka një motor të ri neural me 16 bërthama që kryen 11 trilionë operacione në sekondë, dyfishin e A12 me 5 trilionë dhe 83% më shumë sesa A13 me 6 trilionë operacione në sekondë.
Gjithashtu çipi i ri mundëson 10 herë më shumë performancë në ML (Machine Learning). Ndryshimi më i madh është tek madhësia. A14 është çipi i parë komercialisht i disponueshëm me arkitekturën 5-nanometër, duke lënë pas Snapdragon 865 Plus me arkitekturë 7-nanometër.
Për njerëzit e thjeshtë pritet që jetëgjatësia e baterisë të rritet ndjeshëm. Ndërsa duhet të presim testimet për të parë si krahasohet, historia na ka mësuar se çipet e Apple dominojnë në performancë krahasuar me rivalët Qualcomm Snapdragon apo Samsung Exynos.
Apple nuk ngurroi të krahasonte çipin A14 Bionic me performancën e një laptopi Windows. Konkretisht sipas kompanisë ky çip ka dyfishin e fuqisë grafike të një laptopi.
